മേടം: പ്രതീക്ഷകൾ പൂവണിയുന്ന ദിവസമായേക്കും. ഏറ്റെടുത്ത കാര്യങ്ങൾ വിജയകരമായി പൂർത്തിയാക്കാനും സമൂഹത്തിൽ അംഗീകാരം നേടാനും സാധിക്കും. ആരോഗ്യകാര്യങ്ങളിൽ ആശ്വാസമുണ്ടാകും. പരീക്ഷകളിലും മത്സരങ്ങളിലും നേട്ടം കൈവരിക്കാം. പുതിയ പഠനമേഖലകളിലേക്ക് കടക്കാനുള്ള ശ്രമങ്ങൾക്കും അനുകൂല ഫലമുണ്ടാകും.
ഇടവം: തൊഴിൽപരമായ നേട്ടങ്ങൾ പ്രതീക്ഷിക്കാം. കാത്തിരുന്ന അംഗീകാരവും സ്ഥാനക്കയറ്റവും ലഭിക്കാൻ സാധ്യതയുണ്ട്. ശത്രുക്കളുടെ ശല്യം കുറയുകയും ആരോഗ്യസ്ഥിതി മെച്ചപ്പെടുകയും ചെയ്യും. പുതിയ ജോലി തേടുന്നവർക്ക് അനുകൂലമായ അവസരങ്ങൾ ലഭിച്ചേക്കും.
മിഥുനം: കാര്യങ്ങളിൽ കൂടുതൽ ശ്രദ്ധ പുലർത്തണം. ആഗ്രഹിച്ച ഫലങ്ങൾ ലഭിക്കാത്തത് നിരാശയുണ്ടാക്കാം. യാത്രകൾ മുടങ്ങാനും സാമ്പത്തിക കാര്യങ്ങളിൽ കാലതാമസം നേരിടാനും സാധ്യതയുണ്ട്. വായ്പയ്ക്കും സാമ്പത്തിക സഹായത്തിനുമുള്ള ശ്രമങ്ങളിൽ പ്രതീക്ഷിച്ച ഫലം ലഭിക്കണമെന്നില്ല.
കർക്കടകം: കുടുംബത്തിലും വ്യക്തിബന്ധങ്ങളിലും ചില അസ്വസ്ഥതകൾ ഉണ്ടായേക്കാം. തീരുമാനിച്ച കാര്യങ്ങൾ നീണ്ടുപോകാനും അഭിപ്രായവ്യത്യാസങ്ങൾ തർക്കങ്ങളിലേക്ക് നയിക്കാനും സാധ്യതയുണ്ട്. മാനസിക സമാധാനം നിലനിർത്താൻ ശ്രദ്ധിക്കണം. അടുപ്പമുള്ളവരുമായുള്ള ബന്ധങ്ങളിൽ അകൽച്ചയുണ്ടാകാം.
ചിങ്ങം: സന്തോഷകരമായ അനുഭവങ്ങൾ പ്രതീക്ഷിക്കാം. മത്സരങ്ങളിലും പ്രവർത്തനങ്ങളിലും മികവ് തെളിയിക്കാൻ കഴിയും. അംഗീകാരത്തിനൊപ്പം സമ്മാനങ്ങളും ലഭിച്ചേക്കാം. സുഹൃത്തുക്കളിൽനിന്നുള്ള ക്ഷണങ്ങളും സൽക്കാരങ്ങളും ഇഷ്ടഭക്ഷണവും ദിവസത്തെ സന്തോഷകരമാക്കും. വിനോദയാത്രകൾക്കും സാധ്യതയുണ്ട്.
കന്നി: പ്രതീക്ഷിക്കാത്ത ചില ബുദ്ധിമുട്ടുകൾ നേരിടേണ്ടിവരാം. ശത്രുശല്യവും മാനസിക സമ്മർദവും വർധിച്ചേക്കാം. തർക്കങ്ങളിൽ ഏർപ്പെടുന്നത് ഒഴിവാക്കണം. ചെറിയ പരിക്കുകൾക്കും അപമാനകരമായ അനുഭവങ്ങൾക്കും സാധ്യതയുള്ളതിനാൽ പ്രവൃത്തികളിൽ ജാഗ്രത പാലിക്കുക.
തുലാം: അനുകൂലമായ സാഹചര്യങ്ങൾ ഒത്തുവരും. യാത്രകളുമായി ബന്ധപ്പെട്ട കാര്യങ്ങൾ വിജയകരമാകും. പ്രധാനപ്പെട്ട ആളുകളുമായുള്ള കൂടിക്കാഴ്ചകൾ ഗുണകരമായേക്കും. സമ്മാനങ്ങൾ ലഭിക്കാനും ഇഷ്ടപ്പെട്ട ഭക്ഷണം ആസ്വദിക്കാനും അവസരമുണ്ടാകും.
വൃശ്ചികം: പ്രതീക്ഷിച്ച നേട്ടങ്ങൾ കൈവരിക്കാൻ പ്രയാസമുണ്ടാകാം. അനാവശ്യ ചെലവുകളും സാമ്പത്തിക നഷ്ടങ്ങളും മനഃപ്രയാസത്തിന് കാരണമായേക്കും. യാത്രകളിൽ തടസ്സങ്ങളും കൂടുതൽ അലച്ചിലും ഉണ്ടാകാൻ സാധ്യതയുണ്ട്. പ്രധാനപ്പെട്ട കാര്യങ്ങൾ ആസൂത്രണം ചെയ്ത് മുന്നോട്ടുപോകുക.
ധനു: ഭാഗ്യാനുഭവങ്ങളും നേട്ടങ്ങളും പ്രതീക്ഷിക്കാം. പ്രവർത്തനങ്ങളിൽ വിജയം നേടുന്നതിനൊപ്പം മറ്റുള്ളവരിൽനിന്ന് അംഗീകാരവും ലഭിക്കും. യാത്രകൾ സന്തോഷകരമാകും. ബന്ധുക്കളുമായുള്ള ഒത്തുചേരലിനും ഇഷ്ടഭക്ഷണം ആസ്വദിക്കാനും സാമ്പത്തിക നേട്ടങ്ങൾക്കും സാധ്യതയുണ്ട്.
മകരം: അനുകൂലമായ ദിവസമാണ്. ഏറ്റെടുത്ത കാര്യങ്ങൾ വിജയത്തിലെത്തിക്കാനും അംഗീകാരം നേടാനും സാധിക്കും. സുഹൃത്തുക്കളുമായി സമയം ചെലവിടാനും സൽക്കാരങ്ങളിൽ പങ്കെടുക്കാനും അവസരമുണ്ടാകും. യാത്രകളും കൂടിച്ചേരലുകളും മനസ്സിന് സന്തോഷം നൽകും.
കുംഭം: കാര്യങ്ങളിൽ തടസ്സങ്ങൾ അനുഭവപ്പെട്ടേക്കാം. പ്രതീക്ഷകൾ നിറവേറാത്തത് മാനസിക വിഷമത്തിന് ഇടയാക്കും. സാമ്പത്തിക ഇടപാടുകളിൽ ജാഗ്രത ആവശ്യമാണ്. വായ്പ ലഭിക്കാനുള്ള ശ്രമങ്ങൾ വൈകുകയോ പരാജയപ്പെടുകയോ ചെയ്യാം. തർക്കങ്ങളിൽനിന്ന് വിട്ടുനിൽക്കുക.
മീനം: കാര്യങ്ങളിൽ പ്രതിസന്ധികൾ നേരിടാൻ സാധ്യതയുണ്ട്. നഷ്ടങ്ങളും നിരാശയും മാനസിക അസ്വസ്ഥതയ്ക്ക് കാരണമാകാം. യാത്രകളിൽ പ്രത്യേക ശ്രദ്ധ വേണം. അപകടഭീതി നിലനിൽക്കുന്നതിനാൽ ഇരുചക്രവാഹന യാത്രകളിൽ അതീവ ജാഗ്രത പുലർത്തുക.
